بایراق

آغلادیم

یاحسین عشقینده قیرخ گون، سینه چالدیم آغلادیم

گئتديلر زائرلرين ، من یئرده قالديم آغلاديم

کاش بیله یدین قلبیمه، عشقین نه توفانلار سالیب!؟

آلتی گوشه قبرینی هئي یاده سالدیم آغلادیم

قارداشین عباسه خاطیر ،ایسته قوی زوّار اولوم

شمع تك عشقينده من يانديم ، آزالديم ،آغلاديم

بير برات كربلا گؤنده ر، گلیم دیدارینا

بلكه بيرده بو براتي سندن آلديم آغلاديم

بارگاهین با صفادیر، گؤرمه ین بیلمز نه دیر !

عکسیني گؤردوم گئجه، باخديم سوزالديم، آغلاديم

ای عزیزکربلا! سن یوسف اولدون کؤنلومه

من زلیخا اولدوم، عشقینده قوجالدیم آغلادیم

قسمتیمده اولمادی پای پیاده گلمه گیم

بیر بولوت تک سیزلادیم، دولدوم - بوشالدیم آغلادیم

غئیرتین قوربانی مولا! سيل گؤزومدن ياشلاری

گئتديلر زائرلرين من يئرده قالديم آغلاديم

شعر ：کاظم قاسمی "اورمولو"